ARU TUBARANINA LAIKANG, PUNAGA, CIKOANG

 ARU TUBARANINA LAIKANG, PUNAGA, CIKOANG

Bismillahirrahmanirrahim

Pilanngeri pakkanangku 

pidandang puli-pulingku

inakke minne bannang kebokna 

Laikang 

sakbe tamammalisikna 

Punaga, tassampea ri Cikoang 

benteng tatimpunga, sampa-

raja tassampea 

cinik-cinik mami sallang 

Karaeng 

koro leklenna Cikoang 

aklaklanga ri garudaya, 

jangang tanijakkakia 

tallu susung tangkenna 

mattanga parangi sallang, 

nanucinik pannottokna.

inai-naimo sallang Karaeng 

tampatetekik ri adak.

tampaonjokki ri kuntu tojeng 

kupanreppekangi sallang 

Karaeng 

balembeng ri barugaya 

kupammappakkangi sallang 

Karaeng 

pasorang ri tangnga parang.

lakubumbung-bumbung sai pokok kayu malompoku 

nakrampang-rampang lekokna, 

naniak kupaklaklangngi 

nalompo-lompo batanna, naniak kupammanjengi, nalakbu lakbu aka'na naniak kupattakgali mangku jammeng lanri adak, kusoleng lanri karaeng mangku ri anja' takusassalak kalengku

Sikammajinne karaeng janji kupadallekangngang puli puli ku pabattu.

Gambar hny pemanis 🙏

Daeng Nyau