Pakkio' Bunting

 

“Pakkio’ Bunting” (versi pendek):

==========================

Bismillahirrahmanirrahim 

Assalamualaikum warahmatullahi wa barakatuh.

Ia dende’.. ia dende..

Nia’ tojengmi daeng bunting

Bunting salloa kutayang, salloa kuminasai

Nampako ri ujung bori’, ri cappa’ pa’rasangangku

Na kuallemo berasa’ ri mangko’ kebo' ku

Ku pammueang rappo ri palakko’

Ku pannaroangko pole, kalomping ri talang bulaeng

Kutongko’ intang, kubelo-belo jamarro’

Ohhh, Daeng Bunting manai’ mako mae  

Atau

Ohhh, Daeng Bunting niamko Anne

 ri dallekang Balla' na Matoannu 

matoang kamase-masenu

Ipara’ kasiasinu, sari’battang matunanu

Ohh.. Daeng Bunting

Nana battumo sallang sassang langika

Nana rapi mo bosi lompoa

Na Nu' Tinro mo sallang 

Serre' pa'lungang ni ruai

Serre' Lipa' ni ruai

Nana pantama mo pokena Daeng Bunting Buranne'a ri tampanna.

Na dianugerahi sallang, insyaallah anak Soleh dan soleha, Rabbi Habli Miinasolihin, Amiin..🤲😇

Sikatutuiko tope Daeng bunting

Numasassa’ mole-mole

Tenamo antu, parekanna maloloa

Bunting ta' Bunting 

Nai’ ngaseng maki mae..!

Atau

 Antama' ngaseng maki Mae.!

Wassalamu'alaikum warahmatullahi wa barakatuh